(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 247

॥ శ్రీః ॥
1.247. అధ్యాయః 247
Mahabharata - Adi Parva - Chapter Topics
కృష్ణానుమత్యాఽర్జునః సుభద్రాం జహారేతి పౌరాణామూహః॥ 1 ॥
అర్జునే ఇంద్రప్రస్థం ప్రాప్తం జ్ఞాత్వా యాదవైః సహ శ్రీకృష్ణస్య ఇంద్రప్రస్థం ప్రత్యాగమనం॥ 2 ॥
ఆగతాఞ్శ్రీకృష్ణాదీఞ్శ్రుత్వా యుధిష్ఠిరస్య ప్రత్యుద్గమనం తేషాం సత్కారశ్చ॥ 3 ॥
వైవాహికమహోత్సవకరణం॥ 4 ॥
పారిబర్హదానం॥ 5 ॥
కంమచిత్కాలం తత్రోషితానాం కురుభిః పూజితానాం బలరామాదీనాం ద్వారకాంప్రతి గమనం॥ 6 ॥
అభిమన్యూత్పత్తిః॥ 7 ॥
ద్రౌపద్యాః యుధిష్ఠిరాదిశ్యః పంచపుత్రోత్పత్తిః తేషాం విద్యాశ్యాసశ్చ॥ 8 ॥
Mahabharata - Adi Parva - Chapter Text

వైశంపాయన ఉవాచ। 1-247-0x(1313)(10688)
అథ శుశ్రావ నిర్వృత్తే వృష్ణీనాం పరమోత్సవే।
అర్జునేన హృతాం భద్రాం శంఖచక్రగదాధరః॥ 1-247-1(10689)
పురస్తాదేవ పౌరాణాం సంశయః సమజాయత।
జానతా వాసుదేవేన వాసితో భరతర్షభః॥ 1-247-2(10690)
లోకస్య విదితం హ్యద్య పూర్వం విపృథునా యథా।
సాంత్వయిత్వాభ్యనుజ్ఞాతో భద్రయా సహ సంగతః॥ 1-247-3(10691)
దిత్సతా సోదరాం తస్మై పతత్త్రివరకేతునా।
అర్హతే పార్థివేంద్రాయ పార్థాయాయతలోచనాం॥ 1-247-4(10692)
సత్కృత్య పాండవశ్రేష్ఠం ప్రేషయామాస చార్జునం।
భద్రయా సహ బీభత్సుః ప్రాపితో వృజినం పురం॥ 1-247-5(10693)
ఇతి పౌరజనాః సర్వే వదంతి చ సమంతతః।'
శ్రుత్వా తు పుండరీకాక్షః సంప్రాప్తం స్వపురోత్తమం॥ 1-247-6(10694)
అర్జునం పాండవశ్రేష్ఠమింద్రప్రస్థగతం తథా।
`యియాసుః ఖాండవప్రస్థమమంత్రయత కేశవః॥ 1-247-7(10695)
పూర్వం సత్కృత్య రాజానమాహుకం మధుసూదనః।
తథా విపృథుమక్రూరం సంకర్షణవిడూరథౌ॥ 1-247-8(10696)
మంత్రయామాస తైః సార్ధం పురస్తాదభిమానితైః।
సంకర్షణేన సంమంత్ర్య హ్యనుజ్ఞాతో మహామనాః॥ 1-247-9(10697)
సంప్రీతః ప్రీయమాణేన వృష్ణిరాజ్ఞా జనార్దనః।
అభిమంత్ర్యాభ్యనుజ్ఞాతో యోజయామాస వాహినీం॥ 1-247-10(10698)
తతస్తు యానాన్యాసాద్య దాశార్హాణాం యశస్వినాం।
సింహనాదః ప్రహృష్టానాం క్షణేన సమపద్యత॥ 1-247-11(10699)
యోజయంతః సదశ్వాంస్తు యానయుగ్యం రథాంస్తథా।
గజాంశ్చ పరమప్రీతః సమపద్యంత వృష్ణయః॥' 1-247-12(10700)
వృష్ణ్యంధకమహామాత్రైః సహ వీరైర్మహారథైః।
భ్రాతృభిశ్చ కుమారైశ్చ యోధైశ్చ శతశో వృతః॥ 1-247-13(10701)
సైన్యేన మహతా శౌరిరభిగుప్తః సమంతతః।
తత్ర దానపతిః శ్రీమాంజగామ స మహాయశాః॥ 1-247-14(10702)
అక్రూరో వృష్ణివీరాణాం సేనాపతిరరిందమః।
అనాధృష్టిర్మహాతేజా ఉద్ధవశ్చ మహాయశాః॥ 1-247-15(10703)
సాక్షాద్వృహస్పతేః శిష్యో మహాబుద్ధిర్మహామనాః।
సత్యకః సాత్యకిశ్చైవ కృతవర్మా చ సాత్వతః॥ 1-247-16(10704)
ప్రద్యుంనశ్చైవ సాంబశ్చ నిశంకుః శంకురేవ చ।
చారుదేష్ణశ్చ విక్రాంతో ఝిల్లీ విపృథురేవ చ॥ 1-247-17(10705)
సారణశ్చ మహాబాహుర్గదశ్చ విదుషాం వరః।
ఏతే చాన్యే చ బహవో వృష్ణిభోజాంధకాస్తథా॥ 1-247-18(10706)
ఆజగ్మః ఖాండవప్రస్థమాదాయ హరణం బహు।
`ఉపహారం సమాదాయ పృథువృష్ణిపురోగమాః॥ 1-247-19(10707)
ప్రయయుః సింహనాదేన సుభధ్రామవలోకకాః।
తే త్వదీర్ఘేణ కాలేన కృష్ణేన సహ యాదవాః।
పురమాసాద్య పార్థానాం పరాం ప్రీతిమవాప్నువన్॥' 1-247-20(10708)
తతో యుధిష్ఠిరో సజా శ్రుత్వా మాఘవమాగతం।
ప్రతిగ్రహార్థం కృష్ణస్య యమౌ ప్రాస్థాపయత్తదా॥ 1-247-21(10709)
తాభ్యాం ప్రతిగృహీతం తు వృష్ణిచక్రం మహర్ద్ధిమత్।
వివేశ ఖాండవప్రస్థం పతాకాధ్వజశోభితం॥ 1-247-22(10710)
సంమృష్టసిక్తపంథానం పుష్పప్రకరశోభితం।
చందనస్య రసైః శీతైః పుంయగంధైర్నిషేవితం॥ 1-247-23(10711)
దహ్యతాఽగురుణా చైవ దేశే దేశే సుగంధినా।
హృష్టపుష్టజనాకీర్ణం వణిగ్భిరుపశోభితం॥ 1-247-24(10712)
ప్రతిపేదే మహాబాహుః సహ రామేణ కేశవః।
వృష్ణ్యంధకైస్తథా భోజైః సమేతః పురుషోత్తమః॥ 1-247-25(10713)
సంపూజ్యమానః పౌరైశ్చ బ్రాహ్మణైశ్చ సహస్రశః।
వివేశ భవనం రాజ్ఞః పురందరగృహోపమం॥ 1-247-26(10714)
యుధిష్ఠిరస్తు రామేణ సమాగచ్ఛద్యథావిధి।
మూర్ధ్ని కేశవమాఘ్రాయ బాహుభ్యాం పరిషస్వజే॥ 1-247-27(10715)
తం ప్రీయమాణో గోవిందో వినయేనాభిపూజయన్।
భీమం చ పురుషవ్యాఘ్రం విధివత్ప్రత్యపూజయత్॥ 1-247-28(10716)
తాంశ్చ వృష్ణ్యంధకశ్రేష్ఠాన్కుంతీపుత్రో యుధిష్ఠిరః।
ప్రతిజగ్రాహ సత్కారైర్యథావిధి యథాగతం॥ 1-247-29(10717)
గురువత్పూజయామాస కాంశ్చిత్కాంశ్చిద్వయస్యవత్।
కాంశ్చిదభ్యవదత్ప్రేంణా కైశ్చిదప్యభివాదితః॥ 1-247-30(10718)
`తతః పృథా చ పార్థాశ్చ ముదితాః కృష్ణయా సహ।
పుండరీకాక్షమాసాద్య బభూవుర్ముదితేంద్రియాః॥ 1-247-31(10719)
హర్షాదభిగతౌ దృష్ట్వా సంకర్షణజనార్దనౌ।
బంధుమంతం పృథా పార్థం యుధిష్ఠిరమమన్యత॥ 1-247-32(10720)
తతః సంకర్షణాక్రూరావప్రమేయావదీనవత్।
భద్రవత్యై సుభద్రాయై ధనౌఘముపజహ్రతుః॥ 1-247-33(10721)
ప్రవాలాని చ హారాణి భూషణాని సహస్రశః।
కుథాస్తరపరిస్తోమాన్వ్యాఘ్రాజినపురస్కృతాన్॥ 1-247-34(10722)
వివిధైశ్చైవ రంత్నౌగైర్దీప్తప్రభమజాయత।
శయనాసనయానైశ్చ యుధిష్ఠిరనివేశనం॥ 1-247-35(10723)
తతః ప్రీతికరో యూనాం వివాహపరమోత్సవః।
భద్రవత్యై సుభద్రాయై సప్తరాత్రమవర్తత॥' 1-247-36(10724)
తేషాం దదౌ హృషీకేశో జన్యార్థే ధనముత్తమం।
హరణం వై సుభద్రాయా జ్ఞాతిదేయం మహాయశాః॥ 1-247-37(10725)
రథానాం కాంచనాంగానాం కింకిణీజాలమాలినాం।
చతుర్యుజాముపేతానాం సూతైః కుశలశిక్షితైః॥ 1-247-38(10726)
సహస్రం ప్రదదౌ కృష్మో గవామయుతమేవ చ।
శ్రీమాన్మాథురదేశ్యానాం దోగ్ధ్రీణాం పుణ్యవర్చసాం॥ 1-247-39(10727)
బడవానాం చ శుద్ధానాం చంద్రాంశుసమవర్చసాం।
దదౌ జనార్దనః ప్రీత్యా సహస్రం హేమభూషితం॥ 1-247-40(10728)
తథైవాశ్వతరీణాం చ దాంతానాం వాతరంహసాం।
శతాన్యంజనకేశీనాం శ్వేతానాం పంచపంచ చ॥ 1-247-41(10729)
స్నానపానోత్సవే చైవ ప్రయుక్తం వయసాన్వితం।
స్త్రీణాం సహస్రం గౌరీణాం సువేషాణాం సువర్చసాం॥ 1-247-42(10730)
సువర్ణశతకంఠీనామరోమాణాం స్వలంకృతాం।
పరిచర్యాసు దక్షాణాం ప్రదదౌ పుష్కరేక్షణః॥ 1-247-43(10731)
పృష్ఠ్యానామపి చాశ్వానాం బాహ్లికానాం జనార్దనః।
దదౌ శతసహస్రాఖ్యం కన్యాధనమనుత్తమం॥ 1-247-44(10732)
కృతాకృతస్య ముఖ్యస్య కనకస్యాగ్నివర్చసః।
మనుష్యభారాందాశార్హో దదౌ దశ జనార్దనః॥ 1-247-45(10733)
గజానాం తు ప్రభిన్నానాం త్రిధా ప్రస్రవతాం మదం।
గిరికూటనికాశానాం సమరేష్వనివర్తినాం॥ 1-247-46(10734)
క్లృప్తానాం పటుఘంటానాం చారూణాం హేమమాలినాం।
హస్త్యారోహైరుపేతానాం సహస్రం సాహసప్రియః॥ 1-247-47(10735)
రామః పాణిగ్రహణికం దదౌ పార్థాయ లాంగలీ।
ప్రీయమాణో హలధరః సంబంధం ప్రతి మానయన్॥ 1-247-48(10736)
స మహాధనరత్నౌఘో వస్త్రకంబలఫేనవాన్।
మహాగజమహాగ్రాహః పతాకాశైవలాకులః॥ 1-247-49(10737)
పాండుసాగరమావిద్ధః ప్రవివేశ మహాధనః।
పూర్ణమాపూరయంస్తేషాం ద్విషచ్ఛోకావహోఽభవత్॥ 1-247-50(10738)
ప్రతిజగ్రాహ తత్సర్వం ధర్మరాజో యుధిష్ఠిరః।
పూజయామాస తాంశ్చైవ వృష్ణ్యంధకమహారథాన్॥ 1-247-51(10739)
తే సమేతా మహాత్మానః కురువృష్ణ్యంధకోత్తమాః।
విజహ్రురమరావాసే నరాః సుకృతినో యథా॥ 1-247-52(10740)
తత్రతత్ర మహానాదైరుత్కృష్టతలనాదితైః।
యథాయోగం యథాప్రీతి విజహ్రుః కురువృష్ణయః॥ 1-247-53(10741)
ఏవముత్తమవీర్యాస్తే విహృత్య దివసాన్బహూన్।
పూజితాః కురుభిర్జగ్ముః పునర్ద్వారవతీం ప్రతి॥ 1-247-54(10742)
రామం పురుస్కృత్య యయుర్వృష్ంయంధకమహారథాః।
రత్నాన్యాదాయ శుభ్రాణి దత్తాని కురుసత్తమైః॥ 1-247-55(10743)
`రామః సుభద్రాం సంపూజ్య పరిష్వజ్య స్వసాం తదా।
న్యాసేతి ద్రౌపదీముక్త్వా పరిధాయ మహాబలః॥ 1-247-56(10744)
పితృష్వసాయాశ్చరణావభివాద్య యయౌ తదా।
తస్మిన్కాలే పృథా ప్రీతా పూజయామాస తం తథా॥ 1-247-57(10745)
స వృష్ణివీరః పార్థైశ్చ పౌరైశ్చ పరమార్చితః।
యయౌ ద్వారవతీం రామో వృష్ణిభిః సహ సంయుతః॥ 1-247-58(10746)
వాసుదేవస్తు పార్థేన తత్రైవ సహ భారత।
`చతుస్త్రింశదహోరాత్రం రమమాణో మహాబలః।'
ఉవాస నగరే రంయే శక్రప్రస్థే మహాత్మనా॥ 1-247-59(10747)
వ్యచరద్యమునాతీరే మృగయాం స మహాయశాః।
మృగాన్విధ్యన్వరాహాంశ్చ రేమే సార్ధం కిరీటినా॥ 1-247-60(10748)
తతః సుభద్రా సౌభద్రం కేశవస్య ప్రియా స్వసా।
జయంతమివ పౌలోమీ ఖ్యాతిమంతమజీజనత్॥ 1-247-61(10749)
దీర్ఘబాహుం మహోరస్కం వృషభాక్షమరిందమం।
సుభద్రా సుషువే వీరమభిమన్యుం నరర్షభం॥ 1-247-62(10750)
అభీశ్చ మన్యుమాంశ్చైవ తతస్తమరిమర్దనం।
అభిమన్యురితి ప్రాహురార్జునిం పురుషర్షభం॥ 1-247-63(10751)
స సాత్వత్యామతిరథః సంబభూవ ఘనంజయాత్।
మఖే నిర్మథనేనేవ శమీగర్భాద్ధుతాశనః॥ 1-247-64(10752)
యస్మింజాతే మహాతేజాః కుంతీపుత్రో యుధిష్ఠిరః।
అయుతం గా ద్విజాతిభ్యః ప్రాదాన్నిష్కాంశ్చ భారత॥ 1-247-65(10753)
దయితో వాసుదేవస్య వాల్యాత్ప్రభృతి చాభవత్।
పితౄణాం చైవ సర్వేషాం ప్రజానామివ చంద్రమాః॥ 1-247-66(10754)
జన్మప్రభృతి కృష్ణశ్చ చక్రే తస్య క్రియాః శుభాః।
స చాపి వవృధే బాలః శుక్లపక్షే యథా శశీ॥ 1-247-67(10755)
చతుష్పాదం దశవిధం ధనుర్వేదమరిందమః।
అర్జునాద్వేద వేదజ్ఞః సకలం దివ్యమానుషం॥ 1-247-68(10756)
విజ్ఞానేష్వపి చాస్త్రాణాం సౌష్ఠవే చ మహాబలః।
క్రియాస్వపి చ సర్వాసు విశేషానభ్యసిక్షయత్॥ 1-247-69(10757)
ఆగమే చ ప్రయోగే చ చక్రే తుల్యమివాత్మనా।
తుతోష పుత్రం సౌభద్రం ప్రేక్షణాణో ధనంజయః॥ 1-247-70(10758)
సర్వసంహననోపేతం సర్వలక్షణలక్షితం।
దుర్ధర్షమృషభస్కంధం వ్యాత్తాననమివోరగం॥ 1-247-71(10759)
సింహదర్పం మహేష్వాసం మత్తమాతంగవిక్రమం।
మేఘదుందుభినిర్ఘోషం పూర్ణచంద్రనిభాననం॥ 1-247-72(10760)
కృష్ణస్య సదృశం శౌర్యే వీర్యే రూపే తథాఽఽకృతౌ।
దదర్శ పుత్రం బీభత్సుర్మఘవానివ తం యథా॥ 1-247-73(10761)
పాంచాల్యపి తు పంచభ్యః పతిభ్యః శుభలక్షణా।
లేభే పంచ సుతాన్వీరాఞ్శ్రేష్ఠాన్పంచాచలానివ॥ 1-247-74(10762)
యుధిష్ఠిరాత్ప్రతివింధ్యం సుతసోమం వృకోదరాత్।
అర్జునాచ్ఛ్రుతకర్మాణం శతానీకం చ నాకులిం॥ 1-247-75(10763)
సహదేవాచ్ఛ్రుతసేనమేతాన్పంచ మహారథాన్।
పాంచాలీ సుషువే వీరానాదిత్యానదితిర్యథా॥ 1-247-76(10764)
శాస్త్రతః ప్రతివింధ్యంతమూచుర్విప్రాయుధిష్ఠిరం।
పరప్రహరణజ్ఞానే ప్రతివింధ్యో భత్వయం॥ 1-247-77(10765)
సుతేసోమసహస్రే తు సోమార్కసమతేజసం।
సుతసోమం మహేష్వాసం సుషువే భీమసేనతః॥ 1-247-78(10766)
శ్రుతం కర్మ మహత్కృత్వా నివృత్తేన కిరీటినా।
జాతః పుత్రస్తథేత్యేవం శ్రుతకర్మా తతోఽభవత్॥ 1-247-79(10767)
శతానీకస్య రాజర్షేః కౌరవ్యస్య మహాత్మనః।
చక్రే పుత్రం సనామానం నకులః కీర్తివర్ధనం॥ 1-247-80(10768)
తతస్త్వజీజనత్కృష్ణా నక్షత్రే వహ్నిదైవతే।
సహదేవాత్సుతం తస్మాచ్ఛ్రుతసేనేతి తం విదుః॥ 1-247-81(10769)
ఏకవర్షాంతరాస్త్వేతే ద్రౌపదేయా యశస్వినః।
అన్వజాయంత రాజేంద్ర పరస్పరహితైషిణః॥ 1-247-82(10770)
జాతకర్మాణ్యానుపూర్వ్యాచ్చూడోపనయనాని చ।
చకార విధివద్ధౌంయస్తేషాం భరతసత్తమ॥ 1-247-83(10771)
కృత్వా చ వేదాధ్యయనం తతః సుచరితవ్రతాః।
జగృహుః సర్వమిష్వస్త్రమర్జునాద్దివ్యమానుషం॥ 1-247-84(10772)
దివ్యగర్భోపమైః పుత్రైర్వ్యూఢోరస్కైర్మహారథైః।
అన్వితా రాజశార్దూల పాండవా ముదమాప్నువన్॥ ॥ 1-247-85(10773)

ఇతి శ్రీమన్మహాభారతే ఆదిపర్వణి హరణాహరణపర్వణి సప్తచత్వారింశదధికద్విశతతమోఽధ్యాయః॥ 247 ॥ ॥ సమాప్తం చ హరణాహరణపర్వ ॥

Mahabharata - Adi Parva - Chapter Footnotes
1-247-43 అరోగాణాం స్వలంకృతాం ఇతి ఖ. పాఠః॥ 1-247-74 ధరా పంచ గణానివ। ఇతి ఙ పాఠః॥ 1-247-77 పరప్రహరణజ్ఞానే శత్రుకృతప్రహారవేదనాయాం విధ్య ఇవ నిర్విజ్ఞాన ఇతి ప్రతివింధ్యః॥ సప్తచత్వారింశదధికద్విశతతమోఽధ్యాయః॥ 247 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.